शाहरुख र दीपिका फेरी एकसाथ

बलिउडमा शाहरुख खान र दीपिका पादुकोणको जोडी लोकप्रिय मानिन्छ। एकपटक फेरि यो जोडी पर्दामा देखिने भएको छ। तमिल निर्देशक एटली कुमारको फिल्म ‘सनकी’मा शाहरुख र दीपिकाको जोडी देख्न पाइने भएको हो।

त्यसो त बलिउडमा शाहरुखको फिल्म नआएको दुई वर्ष बितिसक्यो। २०१८ मा ‘जिरो’ फिल्ममा शाहरुख देखिएका थिए।

फिल्मफेयरका अनुसार, ‘सनकी’मा काम गर्न शाहरुख र दीपिका उत्साहित छन्। दीपिकालाई कथा एकदमै मन परेको छ। ‘सनकी’सम्म आइपुग्दा शाहरुख र दीपिकाको जोडी चौथोपटक हुनेछ।

यसअघि शाहरुख र दीपिकाले ‘ओम शान्ति ओम’, ‘चेन्नई एक्सप्रेस’ र ‘ह्याप्पी न्यू ईयर’ मा काम गरेका थिए। शाहरुखले ‘ओम शान्ति ओम’ बाट दीपिकालाई बलिउडमा डेब्यु गराएका थिए।

‘सनकी’ फिल्मको युनिट २०२१ को शुरुवातमा फ्लोरमा जाने योजनामा छ।