पोखरा । गण्डकी प्रदेशसभाको जारी वैठकमा दुई सांसद अनुपस्थित रहे ।
कांग्रेस-माओवादी सहितका दलले पेस गरेको अविश्वास प्रस्तावमा अन्तिम छलफल र मतदानका दिन स्वतनत्र सांसद दिपक मनाङे र जनमोर्चाका सांसद खिमविक्रम शाही अनुपस्थित भएका हुन् । उनीहरुले फोन स्वीचअफ भएपछि विश्वास प्रस्तावका पक्षधरहरु सशंकित बनेका छन् ।
उनीहरूमध्ये शाहीलाइ अपहरण गरिएकाे वा कुनै प्रलाेभनमा पारिएकाे हुनसक्ने अनुमान विपक्षीहरूले गरेका छन् ।
अविश्वास प्रस्तावका पक्षधरले जनमोर्चाको समर्थनको आशा गरेका थिए । अविश्वास प्रस्ताव पारित हुन ६० सदस्यीय प्रदेशसभामा ३१ मत चाहिन्छ । कांग्रेसको १५ र माओवादीको ११ सांसदसहित २६ जना छन् । जसपाका २ जना छन् ।
अब जनमोर्चाका दुवैजनाले मत दिए पनि अविश्वास प्रस्ताव पारित हुने सम्भावना कम छ । तर, जनमोर्चाका कृष्ण थापा पनि अविश्वास प्रस्तावको पक्षमा जाने पार्टीको निर्णयप्रति असन्तुष्ट छन् । माओवादीबाट सभामुख भएका नेत्रनाथ अधिकारीले भने भोट हाल्न पाउँदैनन् । एमालेका एकजना माधव नेपाल पक्षधर सांसद इन्द्रलाल सापकोटाले फ्लोर क्रस गरे भनेमात्र सरकार संकटमा पर्छ ।
प्रकाशित मिति २०७८ वैशाख १५ गते बुधबार ०५:०९
