प्रदेश स्तरिय खेलकुद परिषद् प्रशासनिक भवन निर्माण सुरु

गण्डकी प्रदेशमा अव प्रदेश स्तरिय प्रदेश खेलकुद परिषद् प्रशासनिक भवन हुने भएको छ । गण्डकी प्रदेशका युवा तथा खेलकूदमन्त्री राजीव गुरुङले उक्त भवनको विहिवार शिलान्यास गरेका हुन्।

गण्डकी प्रदेशमा एक हप्ता अघिमात्र थप गरिएको युवा तथा खेलकुद मन्त्रालय सम्हालेका मन्त्री गुरुङले प्रदेशको सदस्य सचिव वस्ने कोठा समेत नहुनु लाजमर्दो कुरा भएकाले आफुले तत्कालै भवन बनाउन लागेको बताए ।

उनले खेलकुदमा हुने गरेको अनियमितताको अन्त्य गर्दै खेलकुदमै जीवन अर्पण गर्ने खेलाडी तथा प्रशिक्षक सहित पदाधिकारीलाई समेट्नुपर्नेमा जोड दिए । प्रदेशका ११ जिल्लामा रहेका पुर्वाधार र सम्पत्तीका विषयमा आफुले अध्ययन गरिहेको बताए ।

उनले पोखरामा खेलाडीहरुको लागि छात्रावास र मार्सलआर्टको सुविधासम्पन्न भवन निमार्ण गरिने बताए । प्रदेश सरकारको ४० लाख लागतमा स्टील संरचनाको सभाहल सहित ११ कोठे भवन ३ महिना भित्र तयार गर्ने लक्ष्य लिएको बताए ।