पिंक सिटी महोत्सवका अवसरमा वालिङ ‘व्याक टु नाइन्टिज’मा झुम्ने

पोखरा ।
पोखरामा भव्यताका साथ सम्पन्न ‘व्याक टु नाइन्टिज’ विरासतलाई फर्केर हेर्दाको दोस्रो कार्यक्रम स्याङ्गजाको वालिङमा हुने भएकाे छ । गत माघमा पाेखरामा सम्पन्न साे कार्यक्रममा दर्शकको भव्य उपस्थिति रहेकाे थियाे ।

स्याङ्गजाको वालिङमा आयोजित प्रथम पिंक सिटी महोत्सव २०८१ भित्रकाे एक दिन अर्थात चैत्र १ गते यो कार्यक्रम हुने भएको हो । साे कार्यक्रममा ६ वटा व्याण्डको प्रस्तुती रहने गण्डकी प्रज्ञा प्रतिष्ठानका सदस्य सचिव मनकुमार श्रेष्ठले जानकारी दिए । यसअघि पाेखरामा ९० काे दशकमा चर्चामा रहेका ७ वटा ब्याण्डले प्रस्तुती राखेका थिए ।

स्याङजामा भने मध्याह्न, डि–मर्चा, लेकाली, ब्रोसिस, देउराली र भेगाबोण्ड ब्याण्डले प्रस्तुती राख्नेछन् ।

पोखरामा भएको कार्यक्रममा सहभागी बनेको कन्दरा समुह भने व्यस्तताका कारण यो कार्यक्रममा सहभागी नहुने सदस्य सचिव श्रेष्ठले खुलाए । फागुन २१ गतेदेखि चैत्र ३ गतेसम्म आयोजना हुने पिंक सिटी महोत्सव वालिङ चेम्बर अफ कमर्शले आयोजना गरेको हो ।