इन्सुरेन्सको लोभमा आफ्नै पसलमा आगो लगाउने एकजना पक्राउ

पोखरा
जिल्ला प्रहरी कार्यालय कास्कीले इन्सुरेन्सको लोभमा परी आफ्नै पसलमा आगो लगाएको आरोपमा एक जनालाई पक्राउ गरेको छ । पक्राउ पर्नेमा पोखराको न्युरोडमा आइटी हबका सञ्चालन गरीरहेका पर्शाका रमेश शर्मा लोहार छन् ।

न्युरोडमा रहेको उनको पसलमा यही फागुन १६ गते अगलागी भएको थियो । उनले शिखर इन्स्योरेन्स कम्पनीमा पसलको एक करोडको विमा गराएको र दावी पेस गरेका थिए । प्रहरीको अनुसन्धानले उनले नियोजित रुपमा आफै आगो लगाएको देखाएको जिल्ला प्रहरी कार्यालय कास्कीका प्रमुख श्यामबाबु ओलीयाले जानकारी दिए ।

आपराधिक प्रवेश तथा आपराधिक उपद्रब सम्बन्धी कसूरमा कास्की जिल्ला अदालतबाट ७ दिनको म्याद थप गरी थप अनुसन्धान प्रकृया अगाडी बढाईएको प्रहरीले जनाएको छ ।