गण्डकीमा बैकल्पिक सरकार गठनका लागि बहुमत सांसदको हस्ताक्षर पेश

पोखरा । गण्डकी प्रदेश सरकार गठनका लागि विपक्षी नेपाली कांग्रेस, नेकपा माओवादी केन्द्र सहितको गठबन्धनले प्रदेश प्रमुख सिता पौडेललाई बहुमत सदस्यको हस्ताक्षर बुझाएका छन् ।

प्रदेश प्रमुखलाई हस्ताक्षर बुझाउँदै नेपाली कांग्रेसका संसदीय दलका नेता कृष्णचन्द्र नेपाली पोखरेलले बहुमत ३१ जना सांसद प्रदेश प्रमुख कार्यलयमा भौतिक रुपमै उपस्थित भएको जानकारी गराएका थिए ।

विपक्षी गठबन्धनमा कांग्रेसका १५, माओवादी केन्द्रका ११ (सभामुखबाहेक), जनता समाजवादी पार्टीका २ र राष्ट्रिय जनमोर्चाका २ तथा स्वतन्त्र सांसद राजीव गुरुङ उर्फ दिपक मनाङ्गे गरी ३१ सांसदले प्रदेश प्रमुखलाइ हस्ताक्षर बुझाएक हुन् ।

मुख्यमन्त्री गुरुङ नेतृत्वको सरकारमा युवा तथा खेदकुदमन्त्री रहेका स्वतन्त्र सांसद मनाङेले कित्ता परिर्वतन गरेर विपक्षी गठबन्धनलाइ सघाएका हुन् ।

याे सँगै मुख्यमन्त्री नियुक्तका लागि चाहिने ३१ मत विपक्षी गठबन्धनसँग पुगेकाे छ ।