सुन तोलाको एक लाख ८० हजार नाघ्यो, घट्यो चाँदी

काठमाडौं ।

सुनको भाउले फेरि नयाँ कीर्तिमान बनाएको छ । बिहीबार एकै दिन तोलामा एक हजार दुई सय रुपैयाँले बढेर सुनको भाउ अहिलेसम्मकै उच्च तोलाको एक लाख ८० हजार तीन सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।

त्यस्तै चाँदीको भाउ भने घटेको छ । चाँदीको भाउ बिहीबार तोलामा २५ रुपैयाँले घटेर तोलाको एक हजार नौ सय ९५ रुपैयाँ कायम भएको महासंघले जनाएको छ ।