नेपाल सुपर लिग : आज झापा एफसी र एफसी चितवनबीच खेल हुँदै

पोखरा ।

नेपाल सुपर लिग (एनएसएल) फुटबलमा आज झापा एफसी र एफसी चितवनबीच खेल हुँदैछ ।

यी दुई टिमबीच खेल बेलुका ६ बजे दशरथ रंगशालामा हुनेछ ।

सात टोली सहभागी प्रतियोगितामा झापा एफसी लगातार दुई खेलमा बराबरीसहित दुई अंकका साथ पाचौं स्थानमा छ ।

चितवन एफसी लगातार दोस्रो जीतसहित ६ अंकका साथ तालिकाको शीर्ष स्थानमा छ ।

नेपाल सुपर लिगमा हिजो भएको खेलमा धनगढी एफसी र ललितपुर सिटीले बराबरी खेलेका छन् भने पोखरा थन्डर्सले काठमाण्डौ रेजर्सलाई २–० गोलले हराएको छ ।

नेपाल सुपर लिग (एनएसएल) २०२५ मा एक तिहाई खेल सकिसकेको छ ।

७ टोली सहभागि लिगमा अहिलेसम्म खेल नजित्ने र गोल पनि नगर्ने टिममा झापा एफसी छ । झापा एफसीले यसअघि खेलेका दुवै खेल गोलरहित बराबरी खेलेको थियो ।

अर्कोतर्फ अहिलेसम्म खेलको दुई खेल जित्दै शतप्रतिशत जित निकाल्ने एक्लो टोलीको रुपमा एफसी चितवन छ । चितवन अंकतालिकाको शीर्ष स्थानमा रहँदा झापा पाँचौ स्थानमा छ ।