पोखरामा ट्रकको ठक्करबाट एकको मृत्यु

पोखरा।

पोखरा महानगरपालिका ९, पृथ्वीचोकमा बिहीबार दिउँसो ट्रकको ठक्करले एक जनाको मृत्यु भएको छ ।

दिउँसो साढे १२ बजेतिर ना. ५ ख. ६२२२ नम्बरको ट्रकले ग. १६ प. २०७५ नम्बरको स्कुटरलाई ठक्कर दिँदा स्कुटरमा सवार पोखरा १४ चाउथे निवासी ५३ वर्षीय शिवराज कँडेल गम्भीर घाइते भएका थिए ।

उनलाई उपचारका लागि नजिकैको गण्डकी मेडिकल कलेज लगिएकोमा केही समयपछि चिकित्सकले मृत घोषणा गरेको जिल्ला प्रहरी कार्यालय कास्कीका प्रहरी नायब उपरीक्षक वसन्तकुमार शर्माले जानकारी दिए ।

ट्रक चालक नुवाकोटको बेलकोट नगरपालिका ५ का ३५ वर्षीया प्रकाश अधिकारी, स्कुटर चालक २३ वर्षीया सुस्मिता कँडेल र ट्रकलाई प्रहरीले नियन्त्रणमा लिएको छ ।

सुस्मिता मृतक शिवराजकी छोरी हुन् । सुस्मिता कँडेलको हात र घुँडामा सामान्य चोट लागेको छ ।