पोखरा ।
हङकङमा जारी चार देशीय टी–२० सिरिजको उपाधि भिडन्तमा आज नेपालले कुवेतसँग खेल्दैछ ।
खेल हङकङको मङ ककस्थित मिसन रोड ग्राउन्डमा बिहान सवा ११ बजेबाट सुरु हुनेछ ।
शनिबार नेपाल र हङकङबीचको खेल वर्षाका कारण रद्द भएपछि नेपालले फाइनलमा स्थान बनाएको हो ।
नेपालले टस जितेर पहिला फिल्डिङ रोजेपछि घरेलु टोलीले पहिले ब्याटिङको अवसर पाएको थियो । तर हङकङले ९ ओभरमा ३ विकेट गुमाएर ६८ रन बनाएको अवस्थामा वर्षा भएपछि खेल रोकिएको हो ।
हङकङका अंशुमान रथ १७, जिशान अली ३० र निजाकत खान ३ रनमा आउट भएका थिए ।
बाबर हयात र कल्हन चालुले समान १–१ रन बनाएको अवस्थामा वर्षा भएको थियो । तर रंगशाला क्षेत्रमा वर्षा नरोकिएपछि दुवै टोलीले एक–एक अंक बाँडे ।
नेपालले तीन खेलबाट पाँच अंक बनाएर फाइनलमा स्थान बनाएको हो भने कुवेतले तीन खेलमा चार अंक हात पार्दै फाइलमा पुगेको हो ।
आजै हङकङ र कतारले तेस्रो स्थानका लागि खेल्दैछन् ।
जारी प्रतियोगितामा नेपाल अपराजित एक मात्रै टोली हो ।
प्रकाशित मिति २०८१ चैत ३० गते आइतबार ०९:२१
