पोखरा ।
आइसिसी यू–१९ पुरुष विश्वकपअन्तर्गतको एसिया छनोटमा आज नेपालले ओमानसँग खेल्दैछ ।
यो खेल बिहान साढे ९ बजेदेखि माथिल्लो मुलपानी क्रिकेट मैदानमा हुने शुरु हुने छ ।
जारी एशिया छनौट प्रतियोगितामा नेपालले पहिलो खेलमा युएईलाई पराजित गर्दै विजयी शुरुवात गरेको छ भने ओमानले अफगानिस्तानसँग हार बेहोरेको छ ।
नेपालले आइतबार भएको खेलमाा युएईमाथि डिएलएस मेथडमा ५ रनको जित निकालेको हो ।
त्यस्तै आज अर्को खेल अफगानिस्तान र हङकङबीच तल्लो मुलपानी क्रिकेट मैदानमा सोही समय हुनेछ । अप्रिल १६ मा नेपालले हङकङसँग र अफगानिस्तानले युएईसँग खेल्ने तालिका रहेको छ ।
त्यसैगरी अप्रिल १७ मा ओमान र युएई खेल्दै छन् भने अप्रिल १८ मा हङकङ र ओमान खेल्दै छन् । त्यसैगरी अप्रिल १९ मा नेपाल र अफगानिस्तानसँग खेल्नेछन् ।
एशिया छनोटको विजेताले सन् २०२६ मा जिम्बावे र नामिबियामा हुने आइसिसी यू(१९ विश्वकपमा छनोट हुनेछ । यो एकदिवसीय फम्र्याटको विश्वकप हो ।
नेपालले गत वर्ष दक्षिण अफ्रिकामा भएको विश्वकप खेलेको थियो भने नेपालले अहिलेसम्म आठ पटक युवा विश्वकप खेलिसकेको छ ।
प्रकाशित मिति २०८२ वैशाख १ गते सोमबार ०९:०९
