सन्दीप लामिछानेले किन गरे क्यानसँगकाे सम्झाैतामा नरहने घाेषणा ?

काठमाडाैँ ।

नेपाली क्रिकेटर सन्दीप लामिछानेले आफू क्यानकाे केन्द्रीय सम्झाैतामा नरहने उल्लेख गरेका छन् । सामाजिक सञ्जाल फेसबुकमार्फत लामिछानेले साे कुरा उल्लेख गरेका हुन् ।

‘मैले यसपटकका लागि नेपाल क्रिकेट संघको केन्द्रीय सम्झौता अन्तरर्गत नजाने निर्णय गरेको छु’ लामिछानेले लेखेका छन् । आफ्नो यो निर्णय क्रिकेट वा राष्ट्रबाट टाढा हुनका लागि नभएर व्यक्तिगत र व्यावसायिक रुपमा विकासको लागि एउटा कदमका रुपमा रहेको लामिछानेले लेखेका छन् । लामिछानेले आफ्नो करिअर यात्रामा निरन्तर सघाएकाे उल्लेख गर्दै क्यानलाई हृदयदेखि धन्यवादसमेत ज्ञापन गरेका छन् ।

उनले नेपालका लागि खेल जारी राख्नेसमेत उल्लेख गरेका छन् ।