राष्ट्र बैंकका नवनियुक्त गभर्नर पौडेलको शपथग्रहण आज

पोखरा ।

नेपाल राष्ट्र बैंकका नवनियुक्त गभर्नर डाक्टर विश्वनाथ पौडेलको शपथ ग्रहण आज हुँदैछ ।

लामो राजनीतिक रस्साकस्सीपछि गएराति नियुक्त भएका गभर्नर पौडेलले आज शपथ ग्रहण गर्ने कार्यक्रम तय भएको हो ।

उनले आज बिहान अफिस खुलेपछि अर्थमन्त्रालय पुगेर नियुक्ति बुझ्ने र त्यसपछि सर्वोच्च अदालत पुगेर शपथ ग्रहण गर्ने कार्यक्रम रहेको बैंकका प्रवक्ता रामु पौडेले जानकारी दिए ।

पौडेललाई प्रधानन्यायाधीश प्रकाशमानसिंह राउतले शपथ गराउनेछन् ।

त्यसपछि पौडेलले आजै केन्द्रीय कार्यालय पुगेर कार्यभार सम्हाल्नेछन् ।