काठमाडौं ।
नेकपा माओवादी केन्द्र का प्रमुख सचेतक हितराज पाण्डेले संघीय निजामती विधेयकसँगै अन्य विधेयकलाई कार्यसूचीमा राखेर अगाडि बढाउन सरकारको ध्यानाकर्षण गराएका छन्।
बिहीवार प्रतिनिधि सभाको बैठकमा बोल्दै प्रमुख सचेतक पाण्डेले निजामती विधेयकसँगै, विद्यालय शिक्षासँग सम्बन्धित र नागरिकतासँग सम्बन्धित विधेयक अगाडि बढाउन आग्रह गरे।
उनले बजेट छलफलसँगै विधेयकहरू पारित गर्दै स्थानीय सरकार र प्रदेश सरकारका समस्याको हल गर्नुपर्ने तर्फ गम्भीर हुन सरकारको ध्यानाकर्षण गराए। सरकारले विधेयक छिटो प्रस्तुत गर्ने हो, छिटो ल्याउने भने पनि व्यवहारमा भने भन्ने एकथोक र गर्ने एकथोक गरिरहेको सचेतक पाण्डेको आरोप थियो।
उनले प्रमुख प्रतिपक्षी दलहरूको तर्फबाट अति महत्वपूर्ण विधेयकहरू लगातार सदनबाट जाउन भनेर भनिरहे पनि त्यसो हुन नसकेको स्पष्ट पारे।
प्रकाशित मिति २०८२ असार ५ गते बिहीबार ०२:३७
