क्यानडा अर्को वर्ष हुने टी–२० विश्वकपमा छनोट

काठमाडौं ।
क्यानडा अर्को वर्ष हुने आइसिसी टी–२० विश्वकप क्रिकेटमा छनोट भएको छ ।
क्यानडाले अमेरिका क्षेत्रबाट सन् २०२६ मा भारत र श्रीलंकमा आयोजना हुने टी–२० विश्वकपमा स्थान बनाएको हो ।
अमेरिका क्षेत्र छनोटमा लगातार पाँचौं जित निकाल्दै क्यानडा विश्वकपमा पुगेको हो ।
क्यानडाले अन्तिम खेलमा बहमासलाई ७ विकेटले पराजित गरेको थियो ।
उक्त विश्वकपमा भारत र श्रीलंकासहित १३ देशले स्थान पुक्का गरेका छ ।
भारत र श्रीलंका आयोजकको रुपमा समावेश हुन् ।
अन्य छनोट भएका टोलीहरूमा अफगानिस्तान, अष्ट्रेलिया, बंगलादेश, इङ्गल्याण्ड, दक्षिण अफ्रिका, संयुक्त राज्य अमेरिका, वेस्ट इन्डिज, आयरल्याण्ड, न्यूजील्याण्ड र पाकिस्तान छन् ।
त्यसका क्यानडा थपिएको हो । ७ टोलीको टुंगो लाग्न बाँकी छ ।
युरोप छनोट र अफ्रिका छनोटबाट समान दुईदुई र एसिया छनोटबाट ३ देश छनोट हुनेछन् । नेपालले एसिया क्षेत्र छनोट खेल्नेछ ।