एमालले ८ सांसदलाई कारबाही गर्ने

काठमाडौं । नेकपा एमालेले समानुपातिक तर्फका ८ सांसदलाई पनि कारबाही गर्ने तयारी गरेकाे छ । यसअघि सोधिएको स्पष्टीकरणकै आधारमा उनीहरुलाई कारबाही गर्न लागिएको एमालेले जनाएकाे छ ।

यस्तै, केन्द्रीय कमिटीको विवरण अध्यावधिकका लागि उसले केन्द्रीय कमिटिकाे नामावली निर्वाचन आयोगमा पठाएको छ । एमाले केन्द्रीय कार्यालयले २६० सदस्यीय केन्द्रीय कमिटीको सूची आयोगमा पठाएको हो । नेकपाको एकता खारेज भएसँगै पुनर्स्थापित एमालेमा २६४ जना छन् । उनीहरुमध्ये केहीको मृत्यु भएको र केही राजनीतिक नियुक्तिमा गएकाले २६० जनाको विवरण अध्यावधिक गर्न पठाइएको हो ।

हाल आयोगमा भने एमालेको २०३ सदस्यीय केन्द्रीय कमिटीको विवरण मात्र छ ।