आइसिसी एकदिवसीय अन्तर्राष्ट्रिय वरियतामा नेपाल १७औं स्थानमा यथावत्

पोखरा ।

नेपाल आईसीसी एकदिवसीय अन्तर्राष्ट्रिय (ओडीआई) वरीयतामा यथावत् रहेको छ ।

अन्तर्राष्ट्रिय क्रिकेट परिषद् (आईसीसी)ले हिजो सार्वजनिक गरेको नयाँ वरीयतामा नेपाल १७औं स्थानमा यथावत् रहेको हो ।

वरियताको शीर्ष स्थानमा भारत यथावत छ ।

यसैगरी दोस्रोदेखि १०औं स्थानमा क्रमशः न्युजिल्यान्ड, अस्ट्रेलिया पाकिस्तान, श्रीलंका, दक्षिण अफ्रिका, अफगानिस्तान बंगलादेश र वेस्ट इन्डिज छन् ।

वरीयतामा पाकिस्तान र बंगलादेशले मात्रै सुधार गरेका छन् । पाकिस्तान चौथो स्थानमा उक्लिएको छ ।

यसअघि पाकिस्तान पाँचौं स्थानमा थियो । श्रीलंका भने एक स्थान तल झर्दै पाँचौं स्थानमा पुगेको छ ।

बंगलादेश एक स्थान सुधार गर्दै नवौं स्थानमा आइपुगेको छ ।

वेस्ट इन्डिज भने १०औं स्थानमा झरेको छ । अन्य टोली १६ टोली वरीयतामा यथास्थानमा छन् ।