फिफा वरीयतामा नेपाल एक स्थान तल झर्दै १ सय ७६औं स्थानमा

पोखरा ।

फिफा वरीयतामा नेपाल एक स्थान तल झरेको छ ।

विश्व फुटबलको सर्वाेच्च निकाय (फिफा) ले हिजो सार्वजनिक गरेको वरीयतामा नेपाल एक स्थान तल झरेर १ सय ७६औं स्थानमा पुगेको छ ।

फिफा वरीयतामा सार्क देशका श्रीलंका बाहेक सबैको स्थान खस्किएको छ । श्रीलंका चार स्थान सुधार गर्दै १ सय ९६औं स्थानमा आइपुगेको छ ।

भारत ६ स्थान तल झर्दै १ सय ३३, माल्दिभ्स सात स्थान तल झर्दै १ सय ७१, बंकलादेश एक स्थान तल झर्दै १ सय ८४, भूटान चार स्थान तल झर्दै १ सय ८६ र पाकिस्तान तीन स्थान तल झर्दै २ सय १औं स्थानमा छन् ।

फिफा वरीयतामा अर्जेन्टिना शीर्ष, स्पेन दोस्रो, फ्रान्स तेस्रो, इग्ंल्यान्ड चौथो र ब्राजिल पाँचौं स्थानमा यथावत् छन् ।