साफ यू–२० महिला च्याम्पियनशिप : नेपालले आज बंगलादेशसँग खेल्दै

पोखरा ।

साफ यू–२० महिला च्याम्पियनशिपमा आज नेपालले आफ्नो दोश्रो खेलमा घरेलु टोली बंगलादेशसँग खेल्दैछ ।

बंगलादेशको बसुन्धरा किंग्स एरिनामा नेपाली समयअनुसार बेलुका पौने ७ बजे शुरू हुनेछ ।

अस्ति शुक्रबार भएको खेलमा नेपालले भूटानमाथि ६–१ गोलको जीत निकाल्यो ।

यस्तै घरेलु टोलीले पनि आफ्नो पहिलो खेलमा शृंकलालाई ९–१ गालले हरायो ।

अंक तालिकामा बंगलादेश शीर्ष स्थानमा र नेपाल दोश्रो स्थानमा छ ।

दुवै टोलीको समान तीन अंक छ । प्रतियोगितामा नेपाल, बंगलादेश, भूटान र श्रीलंका गरी चार वटा देश सहभागी छन् ।

डबल राउन्ड–रोबिनको आधारमा हुने प्रतियोगितामा हरेक टोलीले एकअर्कासँग दुई–दुई पटक प्रतिस्पर्धा गर्नेछन् ।

लिग चरणमा शीर्ष स्थानमा रहने टोलीले उपाधि जित्नेछ ।

नेपालले असार ३२ गते र साउन १ गते श्रीलंकासँग, साउन ३ गते भूटानसँग, साउन ५ गते बंगलादेशसँग खेल्नेछ ।