पोखरामा १२ लाख चोरी गर्ने युवक पक्राउ

पोखरा ।

चोरी गरेर भाग्ने एक युवकलाई कास्की प्रहरीले पक्राउ गरेको छ ।

कास्कीको माछापुच्छ्रे गाँउपालिका–९ स्थायी घर भएका २३ वर्षीय ओमबहादुर भुजेललाई प्रहरीले पक्राउ गरेको हो ।

उनले साउन २ गते संगिता भण्डारीको कोठाबाट १२ लाख ३० हजार रुपैयाँ चोरी गरेर भागेको जिल्ला प्रहरी कार्यालय कास्कीका सूचना अधिकारी डिएसपी हरिबहादुर बस्नेतले बताए ।

उनलाई पोखराको डिकोपाटनबाट चोरी गरेको ९ लाख ९७ हजार ५०० रुपैयाँसहित पक्राउ गरेको उनले जानकारी दिए । भुजेलको साथबाट दुई थान मोबाइलसमेत बरामद गरिएको छ ।

जिल्ला अदालत कास्कीबाट चोरी तथा डाँका सम्बन्धी कसूरमा १० दिनको म्याद थपेर अनुसन्धान अगाडि बढाइएको डिएसपी बस्नेतले जानकारी दिए ।