च्याम्पियनसिप आगामी अगष्ट २० देखि ३१ सम्म भुटानमा हुने
पोखरा ।
अखिल नेपाल फुटबल संघ (एन्फा) ले भुटानमा हुने साफ यू–१७ महिला च्याम्पियनसिपका लागि यू–१७ राष्ट्रिय महिला टिमको बन्द प्रशिक्षणमा ३५ खेलाडी बोलाएको छ ।
एन्फाले मंगलबार बन्द प्रशिक्षणका लागि ३५ खेलाडीको सूची सार्वजनिक गरेको हो ।
जसमा ५ गोलकिपर, ९ डिफेन्डर, ७ मिडफिल्डर, ७ विंगर र ७ फरवार्ड छन् ।
गत वर्ष नेपालमै भएको साफ यू–१६ महिला च्याम्पियनसिप खेलेको टिममा रहेका २३ मध्ये २२ खेलाडी यस पटक साफ यू–१७ महिला च्याम्पिनयसिपको बन्द प्रशिक्षणका लागि छनोट भएका छन् ।
गोलकिपर सुनिता स्याङ्गतान मात्र यस पटक छनोट भइनन् ।
गत वर्ष चक्र तामाङ मुख्य प्रशिक्षक थिए भने यस पटक चेत नारायण श्रेष्ठलाई महिला यू–१७ टोलीको जिम्मेवारी दिइएको छ ।
साफ यु–१७ महिला च्याम्पियनसिप आगामी अगष्ट २० देखि ३१ सम्म भुटानमा हुनेछ । च्याम्पियनसिपमा नेपाल र भुटानसँगै भारत र बंगलादेशले प्रतिस्पर्धा गर्नेछन् ।
खेलहरु डबल राउण्ड रोविन लिगको आधारमा हुनेछ । लिग चरणपछि अंक तालिकाको शीर्ष स्थानमा रहने टोली च्याम्पियन बन्नेछ ।
बन्द प्रशिक्षणमा रहने खेलाडीहरूमा झरना डुम्राकोटी, लक्ष्मी ओली, गंगा गुरुङ, भुपिका शाही, सबनम राई, दिक्षा रायमाझी, मिना चन्द, रेजिना लामा, अलिजा कुमारी बिक, ग्यान्शु डोल्मो लो, सम्झना चन्द छन् ।
त्यस्तै पुर्णिमा ताडी, अनु माझी, अंशु बिक, रबिना बिक, आयुषा गुरुङ, डिकी स्याङ्बो तामाङ, कृतिशा तामाङ, मिन माया श्रेष्ठ, सहारा लिम्बु, कृपा दाहाल पनि टोलीमा छन् ।
यसैगरि बाब्टिका कार्की, भूमिका बुढाथोकी, आयुषा रियुले, श्रीजना बडुवाल, आशिका कार्की, अस्मिता मगर, मनिषा श्रेष्ठ, सबिना तामाङ, पूजा गिरी, पुर्णिमा थारु, यम कुमारी बिक, अनिता राना मगर, दिक्षा रानपाल र विपना परियार छन् ।
