तीन संसदीय समितिको बैठक आज बस्दै

काठमाडौं ।

संघीय संसदअन्तर्गत आज तीन वटा संसदीय समितिको बैठक बस्दैछ ।

जसअन्तर्गत बिहान साढे ८ बजेबाट अन्तर्राष्ट्रिय सम्बन्ध र पर्यटन समितिको बैठक बस्दैछ ।

बैठकमा नेपाल हवाई सेवा प्राधिकरण विधेयक, २०८१ माथि संशोधनकर्ताहरूसँग छलफल हुँदैछ ।

त्यस्तै सार्वजनिक नीति तथा प्रत्यायोजित विधायन समिति बिहान साढे ११ बजे बस्नेछ ।

सो समितिको बैठकमा राष्ट्रिय निकुञ्जहरुसँग सम्बन्धित प्रतिवेदन छलफल र पारित गर्ने सम्बन्धमा छलफल हुने जनाइएको छ ।

त्यसैगरि आज दिउँसो १ बजे बस्ने विधानय व्यवस्थापन समितिको बैठक बस्दैछ ।

बैठकमा जलस्रोत विधेयक, २०८१ माथि दफावार छलफल हुने कार्यसूची छ ।