सुनको भाउ तोलामा एक हजार चार सय रुपैयाँले बढ्यो, चाँदी पनि बढ्यो

काठमाडौं ।

सुनको भाउ बुधबार एकैदिन तोलामा एक हजार चार सय रुपैयाँले बढेको छ । सुन बुधबार तोलामा एक हजार चार सय रुपैयाँले बढेर तोलाको एक लाख ९४ हजार चार सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । मंगलबार सुनको भाउ तोलाको एक लाख ९३ हजार रुपैयाँ थियो ।

त्यसैगरी बुधबार चाँदीको भाउ पनि सामान्य बढेको छ । चाँदी बुधबार तोलामा १० रुपैयाँले बढेर दुई हजार तीन सय १० रुपैयाँ पुगेको महासंघले जनाएको छ । मंगलबार चाँदीको भाउ तोलाको दुई हजार तीन सय रुपैयाँ थियो ।