काठमाडौं ।
गृहमन्त्री रमेश लेखकले विपद् जोखिम न्युनिकरण तथा व्यवस्थापन ऐनमा आवश्यक संशोधन गर्न सरकार तयार रहेको बताएका छन् ।
शुक्रवार काठमाडौंमा आयोजित गृहमन्त्रीसँग विपद् संवाद कार्यक्रममा बोल्दै उनले यस्तो बताएका हुन् । उनले विपद् जोखिम न्युनिकरण तथा प्रतिकार्यका लागि नीतिगत र संरचनात्मक सुधार आवश्यक भएको उल्लेख गर्दै विज्ञहरूका सुझावका आधारमा ऐन परिमार्जन गरिने बताए । उनले विपद् जोखिम न्युनिकरण तथा व्यवस्थापन ऐन संशोधनका लागि विज्ञहरुका सुझावहरु संकलन गरेर मन्त्रालयमा पठाउन विपद् जोखिम न्युनिकरण तथा व्यवस्थापन प्राधिकरणलाई निर्देशन समेत दिए । उनले विपद् जुनसुकै समयमा पनि आउनसक्ने उल्लेख गर्दै विपद् प्रतिकार्य गर्ने राज्यका संरचनाहरुलाई प्रयोगात्मक रुपमा हेर्न नहुनेमा पनि जोड दिए । उनले विपद् पूर्वसूचना प्रणालाई आत्मसाथ गरिदिन राजनीतिक दलहरुलाई पनि आग्रह गरे । उनले विपद् जोखिम न्यूनिकरणका लागि पूर्वसूचना प्रणालीलाई बलियो बनाउन जरुरी रहेको उल्लेख गर्दै यसका लागि सरकार गम्भीर भएर लागिपरेको पनि बताए ।
विपद् जोखिम न्युनिकरणको विषय सरकारको मात्र नभएको उल्लेख गर्दै उनले सबैले आ–आफ्नो ठाउँबाट सहयोग गर्न समेत आग्रह गरे ।
प्रकाशित मिति २०८२ साउन १७ गते शुक्रबार १०:१६
