रियोको फ्रुटीमा भेटियो लेउ

तनहुँ ।
रियोको मिक्सड फ्रुटीमा लेउ फेला परेको छ ।
म्याद भएकै फ्रुटीमा लेउ भेटिएको हो ।
तनहुँको शुक्लागण्डकी नगरपालिका–२ गाछेपानीस्थित मुक्तिनाथ शुक्लागण्डकी च्यवनधाममा एक बालकले खादै गरेको फ्रुटीमा लेउ फेला परेको हो ।
बिहिबार फ्रुटमा लेउ भेटिएको तस्बिर र भिडियो सार्वजनिक भएको छ ।
‘बच्चाले खाँदै गरेको फ्रुटीमा लेउ भेटिएको हो । कस्ले कहाँबाट ल्यायो भन्ने पत्तो भएन’, प्रत्यक्षदर्शी ऋषेश्वर भुवाइ ‘ऋृतु’ ले जानकारी दिए ।
१८० मिलिलिटरको ३० रुपैयाँ मूल्य पर्ने बट्टामा लेउ फेला परेको छ । २०२५÷०५ उत्पादन मिति लेखेकोमा ९ महिनासम्म प्रयोग गर्न मिल्ने लेखिएको छ ।