तनहुँ ।
तनहुँमा ३१ औं विश्व आदिवासी दिवस धूमधामले मनाइएको छ ।
शनिबार तनहुँका विभिन्न स्थानहरुमा कार्यक्रम गरेर अधिकारको माग गर्दै दिवस मनाइएको छ ।
आदिवासी, जनजातिसँग सम्बन्धित संघसंस्थाले पालिकास्तरमै विभिन्न कार्यक्रमहरु गरेका छन् ।
अधिकांश स्थानमा बृहत ¥याली र शुभकामना आदान प्रदान कार्यक्रम गरेर दिवस मनाइएको हो ।
आदिवासी जनजातिका कला, संस्कृति, रितीरिवाज र पोशक प्रदर्शनसँग अधिकारको माग गरिएको छ ।
जल र जमिनको संरक्षण गर्नुपर्नेमा उनीहरुको जोड छ ।
प्रत्येक वर्ष अगस्त ९ तारिखमा मनाइने विश्व आदिवासी जनजाति दिवसलाई संयुक्त राष्ट्र संघले सन् १९९३ मा घोषणा गरेपश्चात् विश्वव्यापी रूपमा मनाउन थालिएको हो ।
विश्व आदिवासी दिवस नेपालका आदिवासी जनजाती समुदायले विशेष उत्सवका रूपमा मनाउँदै आएका छन् ।
यस वर्षको दिवसमा नेपाल आदिवासी जनजाति महासंघले ‘प्राकृतिक स्रोत, जल, जमिन र जङ्गलमाथि आदिवासी जनजातिको अधिकार सुनिश्चित गर, यूएनड्रिप र आईएलओ १६९ सम्बन्धी सर्वोच्च अदालतको निर्देशनात्मक आदेश कार्यान्वयन गर’ भन्ने नारा तय गरेको थियो ।
प्रकाशित मिति २०८२ साउन २५ गते शनिबार ०४:२१
