पोखरा ।
राष्ट्रिय खेलकुद परिषद् (राखेप) को ६२ औँ वार्षिकोत्सवमा पाँच खेलाडीसहित विभिन्न १८ विधामा सम्मान गरिने भएको छ ।
खेलकर्मीलाई सम्मान कार्यक्रम यही भदौ १३ गते त्रिपुरेश्वरस्थित राखेपको कभर्ड हलमा हुनेछ ।
सिनियर÷जुनियरमा समान १–१ पुरुष÷महिला गरी चार खेलाडी र एक पारा खेलाडीलाई नगदसहित सम्मान गरिने जनाइएको छ ।
सिनियरलाई समान एक÷एक लाख तथा जुनियर र पारा विधामा समान ५०–५० हजार रुपियाँसहित सम्मान गरिने छ ।
खेलकुद पत्रकार पुरस्कार विधातर्फ समान एक÷एक पुरुष÷महिला समान २०–२० हजार रुपियाँसहित सम्मानित हुने छन् ।
त्यस्तै प्रशासन र प्राविधिक (दुई करारसहित) तर्फ समान चार÷चार गरी आठ कर्मचारीलाई नगदसहित सम्मान गरिने छ ।
सर्वोत्कृष्ट दुई जनालाई समान २५–२५ हजार, उत्कृष्ट दुई जनालाई समान १५–१५ हजार तथा परिषद् सेवा पुरस्कार र करार सेवातर्फ समान दुई÷दुई जनालाई समान १०–१० हजार नगदसहित सम्मान गरिने छ ।
उत्कृष्ट खेल सङ्घलाई एक लाख रुपियाँसहित सम्मान गरिने छ । उत्कृष्ट स्थानीय तह र उत्कृष्ट प्रायोजकलाई प्रशंसापत्रबाट सम्मान गरिने जनाइएको छ ।
प्रकाशित मिति २०८२ भदौ १० गते मंगलबार ०९:२३
