गण्डकीको मुख्यमन्त्री निवासमा दोस्रोपटक आगजनी गर्ने एकजना पक्राउ

पोखरा । 

कास्की प्रहरीले गण्डकी प्रदेशको मुख्यमन्त्री निवासमा आगजनी गरेको आरोपमा एकजनालाई पक्राउ गरेको छ ।

जेन–जीको आन्दोलनका क्रममा भदौं २४ गते आगजनी भएकोे मुख्यमन्त्री निवासमा असोज १२ गते दोस्रोपटक पुनः आगजनी भएको थियो ।

उक्त आगजनीमा संलग्न रहेको आरोपमा रुपन्देही घर भइ पोखरा बस्ने २२ वर्षीय संजोक थापालाई पक्राउ गरिएको जिल्ला प्रहरी कार्यालय कास्कीले जनाएको छ ।

थापाले राष्ट्र बैंकको कम्पाउण्ड सडक छेउमा रहेको एनआइएमबी बैंकको एटिएम मेसिन ढुङ्गाले प्रहार गरी तोडफोड समेत गरेको कास्की प्रहरीका सूचना अधिकारी डिएसपी हरिबहादुर बस्नेतले जानकारी दिए ।