काठमाडौं ।
राष्ट्रिय प्रजातन्त्र पार्टीका नेता ज्ञानबहादुर शाहीले जेन जीको आन्दोलन २०८४ को निर्वाचन ०८२ मा गर्नको लागि नभएको बताएका छन् ।
शुक्रबार साँझ शितल निवासमा भएको सर्वदलीय बैठकपछि सञ्चारकर्मीहरुसँग कुरा गर्दै उनले सो कुरा बताएका हुन् ।
आन्दोलन प्रत्यक्ष निर्वाचिन कार्यकारी प्रधानमन्त्री, प्रदेश संरचना खारेजी, गैरदलीय स्थानीय तहका लागि, संवैधानिक निकायमा राजनीतिक नियुक्ति बन्द गर्न, भ्रष्टाचार नियन्त्रणका लागि नयाँ कानून निर्माण गर्न र अहिलेको वास्तविक जेन जीको माग पूरा गर्नका लागि भएको उनले बताए ।
१८ वर्षको जेन जीले मतदान गर्न पाउने तर २५ वर्ष नपुगी उम्मेदवार बन्न नपाउने कानून खारेज गर्न पनि उनले माग गरेका छन् ।
अनलाइन मतदान प्रणालीबाट अघि बढ्नुपर्ने र विदेशमा रहेका नेपालीले मतदान गर्न पाउने व्यवस्था हुनुपर्ने पनि उनले माग गरे ।
सो अवसरमा उनले राप्रपाले राजासहितको प्रजातन्त्रको कुरा अघि बढाएको पनि उल्लेख गरे ।
संविधान संशोधन नभइ निर्वाचन हुन नसक्ने उनको भनाइ छ ।
प्रकाशित मिति २०८२ असोज २५ गते शनिबार ०८:५७
