पोखरामा नक्कली पेस्तोल देखाएर लुटपाट गर्ने एक युवक पक्राउ

पोखरा ।

पोखरामा नक्कली पेस्तोल देखाएर लुटपाट गर्ने एक युवकलाई प्रहरीले पक्राउ गरेको छ ।

पोखरा महानगरपालिका–१२ शितलादेवी बस्ने देवीकला अधिकारीलाई पेस्तोल देखाएर लुटपाट गरेको आरोपमा पोखरा महानगरपालिका–२० भलाम बस्ने २४ वर्षीय सुजन विकलाई कास्की प्रहरीले पक्राउ गरेको हो ।

सुजनलाई नक्कली पेस्तोल र ग १३ प ९८३२ नम्बरको मोटरसाइकलसहित पक्राउ गरिएको कास्की प्रहरीका सूचना अधिकारी डिएसपी हरिबहादुर बस्नेतले जानकारी दिए ।

उनीमाथि थप अनुसन्धान थालिएको प्रहरीले जनाएको छ ।