कास्की कारागारबाट फरार ८१ जना पक्राउ, अन्यको खोजतलास जारी

पाेखरा ।
गत असोज २० गतेसम्म कारागार कार्यालय कास्कीबाट फरार रहेका विभिन्न मुद्दाका ८१ जना कैदी तथा थुनुवाहरू पक्राउ परेका छन्।

जिल्ला प्रहरीका अनुसार, भाद्र २३ र २४ गते भएको आन्दोलन, तोडफोड र आगजनीपछि फरार भएका कैदीहरूलाई कारागार विभागले आश्विन २० गतेभित्र स्वस्फूर्त रूपमा कारागारमा फर्किन अपिल गरेको थियो। तर, निर्धारित मितिभित्र उपस्थित नभएका उनीहरूलाई प्रहरीले खोजतलास गरी पक्राउ गरेको हो।

जबरजस्ती करणी मुद्दाकाः १६ जना ,लागू औषध मुद्दाकाः १६ जना ,चोरी मुद्दाकाः २५ जना, कर्तव्य ज्यान मुद्दाकाः ८ जना , ज्यान मार्ने उद्योग मुद्दाकाः ९ जना ,अभद्र व्यवहार मुद्दाकाः ४ जना , सवारी अंगभंग मुद्दाकाः १ जना ,कुटपिटबाट अंगभंग मुद्दाकाः १ जना र मानव बेचविखन मुद्दाकाः १ जना लाई पक्राउ गरिएको जिल्ला प्रहरी कार्यालय कास्कीले जनाएको छ ।जिल्ला प्रहरी कार्यालय कास्कीका सूचना अधिकारी हरी बहादुर बस्नेतका अनुसार, अन्य फरार कैदीहरूको खोजतलास कार्य जारी छ।