प्रधानमन्त्री कार्कीले आज विभिन्न देशका राजदूतसँग छलफल गर्दै

काठमाडौं ।

प्रधानमन्त्री सुशीला कार्कीले आज विभिन्न देशका कूटनीतिज्ञ (राजदूत)सँग छलफल गर्दैछिन् ।

नेपालको वर्तमान अवस्थाबारे ‘ब्रिफिङ’ गर्न उनले बैठक बोलाएकी हुन् ।

प्रधानमन्त्रीको सचिवालयका अनुसार आज दिउँसो साढे २ बजे सिंहदरबारमा बैठक बस्नेछ ।

बैठकमा नेपालस्थित सबै कूटनीतिक निकायका प्रमुखहरू एवं नेपालस्थित विदेशी राजदूतहरूलाई बोलाइएको छ ।

बैठकमा नेपालको समसामयिक अवस्थाका साथै अन्तरिक सरकारले २१ फागुनमा तोकेको प्रतिनिधि सभा निर्वाचनलगायतका बारेमा छलफल, परामर्श र ब्रिफिङ हुने जनाइएको छ ।

प्रधानमन्त्री नियुक्त भइसकेपछि प्रधानमन्त्री कार्कीले यसप्रकारको बैठक पहिलो पटक बोलाएकी हुन् ।