ट्राईनेसन्स महिला फुटबलका लागि २७ खेलाडीको नाम सार्वजनिक

पोखरा ।

इन्डोनेसियामा हुने ट्राईनेसन्स महिला अन्तर्राष्ट्रिय मैत्रीपुर्ण फुटबलका लागि २७ खेलाडीको नाम सार्वजनिक गरिएको छ ।

नेपाली राष्ट्रिय महिला फुटबल टिमका मुख्य प्रशिक्षक नविन न्यौपानेले २७ खेलाडीको प्रारम्भिक सूची सार्वजनिक गरेको अखिल नेपाल फुटबल संघ (एन्फा) ले जनाएको छ ।

केही समयअघि भारतमा भएको ट्राईनेसन्स महिला अन्तर्राष्ट्रिय मैत्रीपुर्ण फुटबल खेलेको टिममा चार नयाँ खेलाडी थप गर्दै प्रारम्भिक टोली सार्वजनिक गरिएको हो ।

थपिएका खेलाडीमा बिर्सना चौधरी, नेहा कुमारी चौधरी, लिला जोशी र अनिता लम्जेल छन् ।

नेपाल, इन्डोनेसिया र चाइनिज ताइपेई सम्मिलिति ट्राईनेसन्स महिला मैत्रीपूर्ण फुटबल आगामी नोभेम्बर २६ देखि डिसेम्बर २ सम्म इन्डोनेसियामा हुनेछ ।