पोखरामा चोरीका स्कुटरसहित ५ जना पक्राउ

पोखरा ।

कास्की प्रहरीले विभिन्न स्थानबाट चोरी भएका तीन स्कुटरसहित पाँच जनालाई नियन्त्रणमा लिएको छ। जिल्ला प्रहरी कार्यालय कास्की मातहत ईलाका प्रहरी कार्यालय शिशुवा र वडा प्रहरी कार्यालय रामबजारबाट खटिएको टोलीले पोखराका विभिन्न स्थानमा अनुसन्धान गर्दै स्कुटर नम्बर ग ९ प ८७६१, ग १५ प ५२३७ र ग ४ प ७६८४ फेला पारेको हो।

पक्राउ पर्नेमा पोखरा–३३ का २१ वर्षीय शेरबहादुर पुन मगर, वडा–५ का २५ वर्षीय अजय नेपाली, वडा–१० का २१ वर्षीय सुशिल गुरुङ, वडा–११ का २० वर्षीय सुदिप परियार र वडा–१३ काँहुँखोला निवासी २७ वर्षीय रोशन परियार रहेका छन्। प्रहरीले घटनासम्बन्धी थप अनुसन्धान अघि बढाएको कास्की प्रहरी पवक्ता प्रहरी नायव उपरिक्षक हरी बहादुर बस्नेत जानकारी दिए ।