काभा महिला यू–१९ भलिबलको सेमिफाइनलमा नेपालले आज माल्दिभ्ससँग खेल्दै

पोखरा ।

श्रीलंकामा जारी काभा महिला यू–१९ भलिबल च्याम्पियनशिपमा आज सेमिफाइनलका खेलहरु हुँदैछन् ।

पहिलो सेमिफाइनलमा नेपाली समयअनुसार दिउँसो २ बजे श्रीलंका र कीर्गिस्तानसँग खेल्दैछ ।

यस्तै दोश्रो खेलमा दिउँसो साढे ४ बजे नेपाल र माल्दिभ्ससँग खेल्दैछ ।

राउन्ड रोबिन लिगपछि अंक तालिकाको शीर्ष र चौथो तथा दोस्रो र तेस्रो टोलीबीच सेमिफाइनल हुन लागेको हो ।

नेपालले पहिलो खेलमा कीर्गिस्तानसँग हारेको थियो । दोश्रो खेलमा श्रीलंकालाई र तेश्रो खेलमा माल्दिभ्सलाई हराएको हो ।

तीन खेलमा दुई जीतसहित नेपाल शीर्ष स्थानमा छ । यसैगरी अंक तालिकामा श्रीलंका दोश्रो, कीर्गिस्तान तेश्रो र माल्दिभ्स चौथो स्थानमा छ ।

प्रतियोगितामा चार वटा टोलीको सहभागिता छ ।

फाइनल खेल र तेस्रो स्थानका लागि भोलि प्रतिस्पर्धा हुनेछ ।