आहा राराको पहिलो क्वाटरमा पुलिससँग भिड्दै आयोजक

पोखरा ।

पोखरामा जारी २५ औं आहा! रारा पोखरा गोल्डकपमा आजदेखि क्वाटरफाइनलका खेल हुने भएको छ ।

पोखरा रंगशालामा आज दिउँसो ३ बजे विभागीय टोली नेपाल पुलिस क्लबसँग आयोजक सहारा क्लब भिड्ने छन् ।

उद्घाटन खेलमा गोरखा इन्टरनेशलन फुटबल क्लबलाई १–० गोल अन्तरल पराजित गर्दै सहारा क्लबले क्वाटरफाइनलमा स्थान पक्का गरेको हो । नेपाल पुलिस क्लबले भने आहा राराको यो सिजनमा सिधै क्वाटरफाइनलबाट प्रतिस्पर्धा गर्दैछ ।

प्रतियोगिताको दोस्रो क्वाटरफाइनल खेल चर्च ब्वाइज क्लब र जावलाखेलबीच आइतबार हुनेछ । यस्तै तेस्रो क्वाटरफाइनलमा मनाङ मस्र्याङ्दी क्लबर र थन्डरबोल्ड भारत सोमबार भिड्नेछन् ।

अन्तिम क्वाटरफाइनलमा आभा क्लब उज्वेकिस्तान र फ्रेन्डस् क्लब मंगलबार प्रतिस्पर्धा गर्नेछन् ।

प्रतियोगिताको विजेता टोलीलाई १४ लाख १ हजार रुपैयाँ र उपविजेतालाई ७ लाख १ हजार रुपैयाँ प्रदान गरिने आयोजकले जनाएको छ ।