पोखरा–१४ मा बुद्ध जयन्तीको अवसरमा दौड प्रतियोगिता हुने

पोखरा ।
बुद्ध जयन्तीको अवसर पारेर पोखरा महानगरपालिका वडा नं. १४ मा वडा स्तरीय दौड प्रतियोगिता आयोजना हुने भएको छ। खेलकुद विकास समिति, पोखरा–१४ को आयोजनामा “शान्ति र सद्भावका लागि एक कदम दौड” भन्ने नाराका साथ कार्यक्रम सञ्चालन हुन लागेको वडा अध्यक्ष बोध बहादुर कार्कीले जानकारी दिए ।

समितिका संयोजक शिवशंकर जि.सी का अनुसार स्थानीय स्तरमा खेलकुद गतिविधि प्रवद्र्धन गर्ने तथा युवाहरूलाई स्वस्थ र सक्रिय बनाउने उद्देश्यले पहिलो पटक वडा अध्यक्ष कप वडा स्तरीय दौड प्रतियोगिता–२०८३ आयोजना गर्न लागिएको हो। कार्यक्रममा विभिन्न उमेर समूहका खेलाडीहरूको सहभागिता रहने अपेक्षा गरिएको उनले बताए ।

प्रतियोगिता आगामी वैशाख १८ गते, शुक्रबार बिहान ठीक ६ः०० बजे वडा कार्यालय अगाडि सुरु हुनेछ। आयोजकले समयमै उपस्थित भई प्रतियोगितालाई सफल बनाउन सबैमा अनुरोध गरेको छ।

एआई तस्बिर