पोखरा ।
सिरहाको गोलबजारमा गोली लागेर एक जनाको मृत्यु भएको छ ।
कफ्र्यू जारी रहँदा प्रदर्शनका क्रममा गोली लागेर गणेश यादवको मृत्यु भएको हो ।
मृतक यादव सिराहाको मिर्चैयास्थित तुलसीपुरका भएको सिरहाका सहायक प्रमुख जिल्ला अधिकारी तथा सूचना अधिकारी चेतराज बरालले जानकारी दिए ।
कफ्र्यू आदेशबीच दुई पक्षबीच झडप बढ्दै जाँदा यहाँको अवस्था तनावग्रस्त बनेको छ ।
प्रदर्शनकारीले प्रहरीले गोली चलाएको दाबी गरेका छन् भने प्रहरीले भने गोली नचलाएको दाबी गरेको छ ।
प्रदर्शनकारीले मृतकलाई सडकमै राखेर प्रदर्शन गरिरहेका छन् । उनीहरूले सुरक्षाकर्मीलाई शव उठाउन दिएका छैनन् ।
प्रहरीले हवाई फायर र टियर ग्यास मात्रै प्रयोग गरेको सहायक प्रमुख जिल्ला अधिकारी बरालले बताए ।
प्रहरीका अनुसार प्रदर्शनका क्रममा एकजना घाइते भएका छन् । अहिले त्यहाँ सेना परिचालन गरिएको बताइएको छ ।
प्रकाशित मिति २०८३ साउन १४ गते बिहीबार ०४:१०
