रसुवा बाढी : १३ घाइतेलाई हेलिकप्टरमार्फत काठमाडौं लगियो

पोखरा ।

रसुवामा आएको बाढीमा घाइते भएका मध्ये १३ जनालाई उद्धार गरेर उपचारका लागि काठमाडौं लगिएको छ ।

उपचारका लागि काठमाडौं लगिएकाहरुलाई विभिन्न अस्पतालहरुमा उपचार सुरु गरिएको छ । उनीहरुलाई हेलिकप्टरमार्फत उद्धार गरेर ल्याइएको हो

रसुवा बाढीमा परेकाहरूमध्ये यता धादिङमा ६ जनाको शव फेला परेको छ ।

जिल्ला प्रहरी कार्यालय धादिङका अनुसार दिउँसो ३ बजेसम्म गल्छी गाउँपालिका महेश दोभानमा एक महिलाको, गल्छी कै कोल्फु खोला पुलनजिकै २ जना पुरुषको, सिद्धलेश गाउँपालिका–७ स्थित त्रिशूलीकै किनारमा एक शव, बेनिघाट रोराङ गाउँपालिका बेनिघाट बजार नजिकै त्रिशूली किनारमा २ महिलाको शव फेला परेको हो ।

धादिङ प्रहरीले अहिलेसम्म ७ जनाको उद्धार गरिएको जनाएको छ । उद्धार गरिएका घाइतेहरूलाई स्थानीय अस्पतालमा उपचारका लागि लगिएको छ ।