पोखरा ।
रसुवामा आएको विनाशकारी बाढीका कारण सम्पर्कविहीन भएका व्यक्तिहरूको पहिचान र खोजीका लागि महाराजगञ्जस्थित त्रिभूवन विश्वविद्यालय शिक्षण अस्पताल (टिचिङ) मा तस्बिरहरू सार्वजनिक गरिएको छ ।
बाढीका कारण हालसम्म करिव ५ हजार मानिस सम्पर्कविहीन रहेको तथ्याङ्क छ । हालसम्म १ हजार ३ सयभन्दा बढी शव फेला परे पनि तीमध्ये जम्मा ९८ जनाको मात्रै पहिचान खुल्न सकेको छ ।
पहिचान हुन नसकेका अन्य शवहरूको सनाखतका लागि अस्पतालले डिएनए परीक्षण प्रक्रिया अगाडि बढाएको छ ।
यसका लागि बेपत्ताका आफन्तहरूले आफ्नो डिएनए नमूना दिने क्रम जारी रहेको छ ।
विपद्को १२ दिन बितिसक्दा पनि आफन्तहरूको अवस्थाबारे ठोस जानकारी प्राप्त हुन नसकेपछि अस्पताल धाउने परिवारका सदस्यहरूको सङ्ख्यामा बिस्तारै कमी आउन थालेको छ । कतिपयको क्षतविक्षत अंग मात्रे फेला परेका छन् ।
शुरुका दिनहरूमा अस्पताल परिसरमा आफन्तहरूको बाक्लो उपस्थिति र चहलपहल देखिए पनि पछिल्लो समय सो क्रम घट्दै गएको अस्पताल स्रोतले जनाएको छ ।
अस्पतालमा राख्ने स्थान नहुँदा चितवन, कास्की, काठमाडौं लगायतका विभिन्न जिल्लाहरुमा जमिनमुनि अस्थायी व्यवस्थापन गरिएको छ ।
प्रकाशित मिति २०८३ भदौ २२ गते सोमबार ०४:२०
