गण्डकीलाई हराउँदै हेल्प नेपाल टाइगर कपको फाइनलमा

पोखरा – साविक विजेता गण्डकी प्रदेशलाई पराजित गर्दै टिप टप हेल्प नेपाल स्पोर्ट्स क्लब दोस्रो संस्करणको टाइगर कप आमन्त्रित खुल्ला क्लब च्याम्पियनसिप महिला तथा पुरुष भलिबल प्रतियोगिताको पुरुषकतर्फ फाइनलमा प्रवेश गरेको छ ।

हेल्प नेपालले गण्डकीमाथि ३–० को सोझो सेटमा जित निकाल्दै फाइनलमा स्थान सुरक्षित गरेको हो । हेल्प नेपालले आर्मीमाथि २५–१८, २५–१६ र २५–२३ को सहज जित निकाल्यो । पहिलो र दोस्रो सेटमा फितलो प्रदर्शन गरेको गण्डकीले हेल्प नेपाललाई कडा चुनौती पेश गरेपनि हार टार्न सकेन ।

जितसँगै हेल्प नेपालको ४ खेलबाट १० अंक पुगेको छ । गण्डकी ३ अंक जोडेर चौथो स्थानमा रहँदै बाहिरिएको छ । अब हेल्प नेपालले आर्मी र पुलिसबीचको विजेतासँग शनिबार खेल्नेछ । आर्मीको ६ तथा पुलिसको ८ अंक छ ।