गण्डकीलाई ह्याण्डबलमा पहिलो स्वर्ण

पोखरा
घरेलु मैदानमा जारी नवौं राष्ट्रिय खेलकुद प्रतियोगितामा गण्डकी प्रदेशले पहिलो स्वर्ण  पदक प्राप्त गरेको छ । शनिबार पुरुष ह्याण्डबलमा गण्डकीले स्वर्ण पदक हात पारेको हो ।

पोखरा रंगशालाको बहुउदेश्यिय हलमा भएको खेलमा गण्डकीले त्रिभुवन आर्मी क्लबलाई पराजित गर्दै स्वर्ण प्राप्त गरेको हो । गण्डकी प्रदेशले गण्डकी ४३ गोल गर्दा विभागीय टिम नेपाल आर्मीको ३६ गोलमा समेटिँदै रजत पदकमा प्राप्त गरेको छ ।

जितपछि कप्तान विशाल बस्नेतले गण्डकीका लागि पहिलो स्वर्ण जित्दा खुशी लागेको बताए । २४ गतेबाट सुरु भएको प्रतियोगितामा २ विभागीय र ७ प्रदेशसहित ९ टिम सहभागी थिए । गण्डकीले यस अगाडि पाँच कास्य जितेको थियो ।

यता महिलातर्फ नेपाल अार्मीकाे टाेली विजयी भएकाे छ।