पुरुष फुटबलकाे सडेनडेथमा आर्मीमाथि सशस्त्रको जित

राष्ट्रिय खेलकुद अन्तर्गत पुरुष फुटबलमा नेपाल आर्मीलाई सशस्त्र प्रहरी एपिएफले पराजित गरेको छ। सडेनडेथमा ६-५ को गोल अन्तरले एपिएफले जित हात पारेको हो ।

निर्धारित ९० मिनेट खेलमा दुबै टोलीबाट गोल हुन नसकेपछि अतिरिक्त समय पुगेको खेलमा पनि दुवै टिमले गाेल गर्न सकेनन् ।

निर्धारित समयमा गाेल नभएपछि खेल टाइब्रेकरमा गएकाे थियाे । तर, टाइब्रेकरमा पनि ४–४ काे बराबरीमा राेकिएपछि खेल सडेनडेथकाे सहारामा पुगेकाे थियाे । जसमा विभागीय टिम आर्मीलाई स्तब्ध पार्दै अर्काे विभागीय टिम एपीएफले बाजी मारेकाे हाे ।

आर्मीले गण्डकी प्रदेशलाई पराजित गरी फाइनल यात्रा तय गरेको हो भने शसस्त्र प्रहरीले नेपाल प्रहरीलाई पराजित गरी आर्मीसँगको भेट पक्का गरेको थियो ।

उद्घाटन सत्रमा दर्शकको न्युन उपस्थिति भएपनि समापन र फुटबलको फाइनलमा भने दर्शकको उपस्थिति बाक्लो थियाे ।

पोखरा रंगशालामा भएकाे आर्मी र एपीएफबीचकाे खेल प्रधानमन्त्री शेरबहादुर देउवाले समेत हेरेका थिए ।