प्रधानमन्त्रीकाे सचिवालयका चारसहित निवासमा खटिएका ६७ सुरक्षाकर्मीलाई काेराेना पुष्टि

पाेखरा । प्रधानमन्त्री केपी शर्मा ओलीकाे सचिवालयका चार जनासहित प्रधानमन्त्री निवास बालुवाटारमा खटिएका ६७ सुरक्षाकर्मीलाई कोरोना भाइरस (कोभिड-१९) को संक्रमण पुष्टि भएको छ ।

प्रधानमन्त्रीका राजनीतिक सल्लाहकार विष्णु रिमाल, विदेश मामिला सल्लाहकार राजन भट्टराई, प्रेस सल्लाहकार सूर्य थापा र प्रमुख स्वकीय सचिव इन्द्र भण्डारीलाई संक्रमण देखिएको हाे ।

यस्तै, प्रधानमन्त्री निवास बालुवाटारमा खटिएका सुरक्षाकर्मीहरू मध्ये ६७ जनासमेत संक्रमित बनेका छन । संक्रमित हुनेहरूमा नेपाली सेनाका २८, नेपाल प्रहरीका १९ (शुक्रबार २ र शनिबार १७ जना), सशस्त्र प्रहरीका १८ जना र राष्टिय अनुसन्धान विभागका दुई जना रहेका छन ।

यस अघि प्रधानमन्त्री ओलीको स्वाव परीक्षण गरिएको थिएन । सचिवालयका चार जनालाई काेराेना पाेजेटिभ देखिएपछि प्रधानमन्त्री केपी शर्मा ओलीकाे पनि परीक्षण हुने सचिवालयले जनाएकाे छ ।