पोखरा
बाग्लुङमा पहिरोमा परेर एक जनाको मृत्यु भएको छ भने अर्का एक वेपत्ता भएका छन् ।
बागलुङको गलकोट नगरपालिका–८ काँडेबाँसको बिसौनामा पहिरोमा पुरिएर ५० वर्षीय वसन्ती विकको मृत्यु भएको हो ।
उनका श्रीमान ५५ वर्षीय प्रेम विक वेपत्ता छन् । पहिरोले पुरिएर दुवै वेपत्ता थिए । प्रहरी र स्थानीयले खोजतलास गर्दा वसन्ती मृत भेटिएकी हुन् ।
मृत वसन्तीको घरसँगै गोठमा पूर्ण क्षति पुगेको छ । गोठमा रहेका एउटा भैसी र तीन बाख्रा मरेका छन् ।
यस्तै, छिमेकी गिरीप्रसाद बुढाथोकीको गोठ पुरिदा तीन भैसी र दुई बाख्रा मृत फेला परेका छन् ।
प्रकाशित मिति २०८१ असार १५ गते शनिबार ०८:४९
