बढी भाडा असुल्ने आठ वटा इन ड्राइभ राईडरहरु कारवाहीमा

पोखरा ।

पोखरामा बढी भाडा असुल्ने इन ड्राइभ राईडरहरुलाई जिल्ला प्रहरी कास्कीले कारवाही गरेको छ ।

आइतबार साँझ बजे इन ड्राइभ राईडरहरुले बढी भाडादर लिएको भन्ने गुनासो आएपछि जिल्ला प्रहरी कार्यालय कास्कीबाट खटिएको प्रहरी टोलीले विभिन्न स्थानहरुबाट इन ड्राइभ राईडरहरुलाई चेकजाँच गरेको थियो ।

सो क्रममा बढी भाडा लिएको पाइएको हुँदा ८ वटा सवारी साधन नियन्त्रणमा लिइएको कास्की प्रहरीले जानकारी दिएको छ ।

नियन्त्रणमा लिइएका सवारी साधनलाई यातायात व्यव्था ऐन २०४९ अनुसार कारवाही गरि छाडिएको जिल्ला प्रहरी कार्यालय कास्कीका प्रहरी प्रवक्ता प्रहरी नायव उपरिक्षक हरी बहादुर बस्नेतले जानकारी दिए ।