पोखरामा मंगलबार थप ६ जना संक्रमित थपिए

पाेखरा । पोखरामा मं‌गलार थप ६ जनालाई कोरोना भाइरसको संक्रमण पुष्टि भएको छ । पोखरा स्वास्थ्य बिज्ञान प्रतिष्ठान, पोखरा र चितवन मेडिकल कलेज, चितवनमा गरिएको परिक्षणमा पोखराका ६ सहित गण्डकी प्रदेशमा २१ जना संक्रमितहरु थप भएकाे गण्डकी प्रदेश स्वास्थ्य निर्देशनालयले मंगलबार दिउँसो १२:१५ बजे जारी गरेको विज्ञप्तीमा उल्लेख छ ।
मंगलबार पोखरा- १० का ५२ बर्षीय पुरुष र ७५ बर्षीया महिला, पोखरा- १ का १८ बर्षीय पुरुष, पोखरा-३ का २३ बर्षीय पुरुष, पोखरा-८ का ३३ बर्षीय पुरुष र पोखरा- १७ का ५० बर्षीय पुरुष रहेकाे निर्देशनालयले जनाएकाे छ ।

यता, बर्दघाट सुस्तापूर्ब नवलपरासीमा मंगलबार ११ जनामा संक्रमण पुष्टि भएको छ । तनहुँमा थप २ जना स‌क्रमित बनेका छन भने स्याङ्जा र गोरखामा थप एकएक जना संक्रमित थपिएका छन ।

अध्यावधिक विवरण अनुसार गण्डकी प्रदेशमा कोरोना संक्रमितको संख्या ४२६४ पुगेको छ ।