बिहिबार देशभर १२ काे मृत्यु, थपिए हालसम्मकै धेरै संक्रमित

पाेखरा । पछिल्लाे २४ घण्टामा थप १२ जनाको कोरोनाबाट मृत्यु भएको छ । बिहीबार देशभर ४ हजार ३ सय ६४ जना कोरोनाका संक्रमित थपिएका छन् । एकै दिनमा थपिएको यो संख्या अहिलेसम्मकै धेरै हो । देशभर हालसम्म कोरोनाबाट मृत्यु हुनेको संख्या ५ सय ९० पुगेको छ ।

यससँगै कुल संक्रमितको संख्या ९८ हजार ६ सय १७ पुगेको छ । उनीहरुमध्ये ५९० जनाको मृत्यु भएको हाे ।

देशभर कोरोना निको हुनेको संख्या ७१,३४३ पुगेको स्वास्थ्य तथा जनसंख्या मन्त्रालयले जनाएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार देशभर हाल सक्रिय संक्रमितको संख्या २६ हजार ६८४ रहेको छ ।