काेराेना अपडेट : देशभर थप १४ काे निधन, ५ हजार ८ जनालाई कोरोना भाइरसकाे संक्रमण पुष्टि

पाेखरा । नेपालमा काेराेना संक्रमण भुसकाे आगाे झै फैलिएकाे छ । देशभर पछिल्लाे २४ घण्टामा नेपालमा थप ५ हजार ८ जनालाई कोरोना भाइरस संक्रमण पुष्टि हुनुले यसैकाे संकेत गरेकाे छ । यससंगै नेपालमा कोरोना भाइरस संक्रमितको कुल संख्या १ लाख ५ हजार ६ सय ८४ पुगेको छ ।

यस्तै, गत २४ घण्टामा देशभर थप १४ जनाले कोरोना भाइरसकाे संक्रमणबाट ज्यान गुमाएका छन। पछिल्लो २४ घण्टाको अवधीमा नेपालमा  यसरी ज्यान गुमाउनेमा २ जना महिला तथा १२ जना पुरुष रहेका छन् । नेपालमा कोरोना भाइरस संक्रमणबाट ज्यान गुमाउनेको कुल संख्या ६ सय १४ पुगेको छ ।

नेपालमा हाल ३० हजार ८ सय १८ जना सक्रिय कोरोना भाइरस संक्रमित रहेका छन् । पछिल्लो २४ घण्टाको अवधीमा नेपालमा १९ हजार ३ सय २० जनाको पिसिआर परीक्षण गरिएको थियो । नेपालमा यो अवधीमा १ हजार २ सय २९ जना कोरोनामुक्त भएर डिस्चार्ज भएका छन् । यससंगै नेपालमा कोरोनामुक्त हुनेको कुल संख्या ७४ हजार २ सय ५२ पुगेको छ ।