गण्डकी प्रदेशकै सांसदमा पनि कोरोना संक्रमण पुष्टि

पोखरा । गण्डकी प्रदेशसभा सदस्य (प्रदेश सांसद) मोहन रेग्मीलाई कोरोना संक्रमण भएको छ ।

विधायन समितिका सभापतिसमेत रहेका रेग्मीले चार दिनअघि स्वाब दिएका थिए । बुधबार उनको रिपोर्ट पोजेटिभ आएको हो । यसअघि उनले सामाजिक विकासमन्‍त्री नरदेवी पुनमगरलाई भेटेका थिए ।

“कन्ट्याक्ट ट्रेसिङमा थिएँ, स्वाब दिएँ, पोजेटिभ आएछ, मेरो स्वास्थ्य अवस्था ठीक छ,” उनले भने । उनी अहिले पोखरामै होम आइसोलेसनमा छन् ।